Cardiff City Football Club

Cardiff City Football Club
	Cardiff City F.C.
Situación
Estáu	Reinu Xuníu
Datos
Nome oficial	Cardiff City Football Club
Tipu	club de fútbol
Fundáu en	1899
Propietariu	Vincent Tan (es)
Presidente	Plantía:Xeodatos Xipre, República Turca de Xipre del Norte Mehmet Dalman
Entrenador	Erol Bulut
Categoría	English Football League Championship
Instalaciones
Estadiu	Cardiff City Stadium (es)
Dueñu de	Vincent Tan (es)
Uniforme
	; Web oficial

El Cardiff City Football Club (en galés Clwb Pêl-droed Dinas Caerdydd) ye un club de fútbol de Gales de la ciudá de Cárdif. Foi fundáu en 1899 y xuega na English Football League Championship.

Fundáu en 1899 como Riverside FC adoptó la denominación de Cardiff City nel añu 1907. El club algamó los sos mayores ésitos mientres los años 20, cuando xubió a la First Division foi subcampeón inglés na temporada 1923/24 y consigue ganar la FA Cup en 1927, siendo hasta la fecha l'únicu equipu non inglés en llevantar el troféu de dicha competición, y xunto col Swansea City, unu de los equipos non ingleses en ganen dalguna competición d'Inglaterra. Tres la Segunda Guerra Mundial el club cayó de la First Division y nos años 60 foi un asiduo de la Recopa d'Europa, algamando na temporada 1967/68 les semifinales. Ente 1985 y 2000 el club tuvo somorguiáu nuna grave crisis deportiva, llegando a cayer a la Fourth Division. A partir del añu 2000 encadenó una serie d'ascensos que lu llevaron hasta'l Championship y a algamar en 2008 la final de la FA Cup y en 2012 la final de la Copa de la Lliga.

El Cardiff City ye unu de los 6 equipos galeses que participen na lliga inglesa. Hasta l'añu 1992 la FAW nun entamaba nengún tornéu lligueru, cola puesta en marcha de la Welsh Premier League el Cardiff refugó la invitación pa participar nella. En 1996 dexó de participar na Welsh Cup.

Nel añu 2013 el Cardiff City proclamóse campeón de la Championship, colo cual consiguió'l so ascensu a la Premier League. Sicasí, l'equipu galés volvería baxar de categoría esi mesmu añu.